Хил дамнасан эдийн засгийн хамтын ажиллагааны бүсийг хөгжүүлнэ
ХКН-ын ХХ их хурлын үзэл санааг хэрэгжүүлэх зорилгоор хил орчмын болон алслагдсан хязгаар нутгийн бүтээн байгуулалтыг эрчимжүүлж, ард иргэдийн амжиргааг сайжруулж, хил орчмын бүс нутгийг тогтворжуулахын тулд Төрийн зөвлөлийн зөвшөөрлөөр Худалдааны яам, Төв хорооны Төрийн салбарыг шинэчлэх улсын комисс, Гадаад харилцааны яам, Хөгжил, шинэчлэлийн хороо зэрэг 16 байгууллага хамтран "Хил орчмын эдийн засгийн хамтын ажиллагааны бүсүүдийг хөгжүүлэх, шинэ хэлбэрийг бий болгох, өндөр чанартай хөгжүүлэхэд чиглэсэн зарим арга хэмжээний тухай мэдэгдэл"-ийг гаргав.
"Мэдэгдэл"-д хөгжлийн үе шатанд, шинэ үзэл баримтлалыг бүрэн, үнэн зөв, цогцоор нь хэрэгжүүлэх, шинэ хэв маягийг бий болгох, хил дамнасан хамтын ажиллагааны бүс нутгийг өндөр чанартай хөгжүүлэхийг эрмэлзэж, төлөвлөлтийг дээд түвшинд боловсруулж, шинэчлэлийн тогтолцоо, уялдаа холбоо, үр ашигтай байдлыг дэмжсэн 5 хүрээ, 15 чиглэлийн бодлогын арга хэмжээг тодорхойлжээ. Үүнд:
Нэгд, төгс функциональ бүтэц, зохион байгуулалт бий болгох, үүнд шинээр болон өргөжүүлэн байгуулах бүсүүдэд судалгаагаар дэмжлэг үзүүлэх, боомтуудын холбогдох нээлттэй платформуудтай уялдаа холбоог бэхжүүлэх гэх мэт үйл ажиллагааны төлөвлөлтийг сайжруулах.
Хоёрт, хил дамнасан логистик ба хөрөнгийн урсгалыг саадгүй нэвтрүүлэх, Бүс нутгийн эдийн засгийн иж бүрэн түншлэлийн хэлэлцээрийг чанарын өндөр түвшинд хэрэгжүүлэх, олон улсын эдийн засаг, худалдааны хамтын ажиллагаанд орон нутгийн оролцоог дэмжих зэрэг хамтын ажиллагааг өргөжүүлэх.
Гуравт, аж үйлдвэрийн инноваци, хөгжлийг дэмжих, үүнд хилийн худалдааг бэхжүүлэх, оновчтой болгох, хилийн дагуух аж үйлдвэрийн хангамжийн хэлхээний нийлүүлэлтийн сүлжээг өргөтгөх, сайжруулах, аж үйлдвэрийг шилжүүлэн байршихад үзүүлэх дэмжлэгийг нэмэгдүүлэх, дундаас дээш зэрэглэлийн үйлдвэрлэлийн бүс болон шинээр гарч ирж буй бизнесийн хэлбэрүүдийг хэтийн төлөвтэй нь хамт төлөвлөх
Дөрөвт, янз бүрийн санхүүгийн эх үүсвэрийн мэдээлэл түгээх, санхүүгийн дэмжлэгийг нэмэгдүүлэх, газар ашиглалт болон эрчим хүчний менежментийг оновчтой болгох, чадварлаг багуудын зохион байгуулалтыг бэхжүүлэх зэрэг хүчин зүйлсийн хангамжийг оновчтой болгох.
Тавд, ажлын уялдаа холбоог бий болгох, сайжруулах, удирдлагын тогтолцоог оновчтой болгох зэрэг тогтолцоо, механизмыг боловсронгуй болгохоор ангилан төлөвлөжээ.
