Боловсролын байгууллагуудын үзэсгэлэн зохион байгуулагдлаа.
2023 оны 2-р сарын 17-18-ны өдрүүдэд Бээжин хотноо олон улсын их дээд сургуулийн танилцуулах үзэсгэлэн боллоо. Тус үзэсгэлэнгийн зорилго нь олон улсын чанартай их дээд сургууль, коллежийн танилцуулан, хэрхэн элсэх, суралцах боломж нөхцөл, тэтгэлэгт хөтөлбөр зэргийн талаар танилцуулах явдал байлаа. Үзэсгэлэнд Канад, АНУ, Япон, Австрали, Их Британи зэрэг 27 улс орны 150 шахам их дээд сургууль, 12 албан боловсролын байгууллагын төлөөлөгчийн газрын танилцуулга хийгдсэнээс гадна Англи, Япон, Испани хэлний сургалтын төвүүд оролцлоо.
Жил тутам зохион байгуулагддаг тус үзэсгэлэнгийн энэ удаагийн арга хэмжээнд Хятад дахь Канадын элчин сайдын яам, консулын ерөнхий газар идэвхийлэн оролцож, Канадын өндөр чанартай 20 гаруй их сургуулийг оролцуулснаас гадна соёл хамтын ажиллагааны арга хэмжээнүүдийг зохион байгуулсан байна.
Түүнчлэн ахлах ангийн сурагчдад шинжлэх ухааны хичээлүүдийг виртуаль орчинд заах тоног төхөөрөмж, програм хангамжийн компаниуд оролцож, бүтээгдэхүүнээ танилцуулж байлаа.
