Монгол-Хятадын 5 дахь удаагийн экспод 350 гаруй аж ахуйн нэгж оролцож байна
Монгол-Хятадын 5 дахь удаагийн ЭКСПО”-гийн нээлтийн арга хэмжээ 2025 оны 8 дугаар сарын 25-ны өдөр БНХАУ-ын ӨМӨЗО-ы Хөххотод болж, Монгол Улсын Засгийн газрыг төлөөлөн Тэргүүн шадар сайд бөгөөд Эдийн засаг, хөгжлийн сайд Н.Учрал нээлтийн арга хэмжээнд оролцлоо. Энэ удаагийн экспод Монгол улсаас 350 гаруй ААН ноос ноолуур, арьсан эдлэл, бэлэг дурсгал, хүнс, уул уурхай гэсэн 700 гаруй нэр төрлийн бүтээгдэхүүн танилцуулж байна. Экспо нь ӨМӨЗО-ы Хөххотод 7 хоногийн турш үргэлжилж, хоёр улсын төр хувийн хэвшилд туршлага солилцох, хөрөнгө оруулалт татах, дэвшилтэт технологи нутагшуулах, зах зээл тэлэх өргөн боломж нээж байна.
Өнгөрсөн онд Монгол улс БНХАУ-ын худалдааны эргэлт 18.6 тэрбум ам долларт хүрсэн нь худалдааны эргэлтийг 20 тэрбумд хүргэх Төрийн тэргүүнүүдийн дэвшүүлсэн зорилт биелэх ойртож байгааг харуулж байна. Монгол улсын Тэргүүн шадар сайд бөгөөд Эдийн засаг хөгжлийн сайд Н.Учрал экспод оролцож байгаа манай бизнес эрхлэгчдийн саналыг сонслоо.
