Хятад улсын гадаад худалдаа тогтвортой өсөлттэй байна
Өндөр технологийн экспортын эрчимтэй өсөлт, хувийн хэвшлийн идэвхтэй үйл ажиллагаа, хөгжиж буй зах зээлтэй нягт харилцаатай байгаа зэргээс шалтгаалж 2025 оны хоёрдугаар хагаст Хятадын гадаад худалдаа тогтвортой хэвээр байна.
2025 оны эхний долоон сарын байдлаар Хятадын гадаад худалдаа өмнөх оны мөн үеэс 3.5 хувиар өсч, 25.7 их наяд юань буюу 3.6 их наяд ам.долларт хүрсэн бол экспортын хэмжээ өмнөх оны мөн үеийнхээс 7.3 хувиар нэмэгдэж, 15.31 их наяд юаньд хүрснийг Гаалийн ерөнхий газрын пүрэв гарагт гаргасан тоо баримт харуулжээ. Зөвхөн долдугаар сард тус улсын худалдааны хэмжээ 6.7 хувиар өсч, 3.91 их наяд юаньд хүрсэн байна.
Хятадын цахилгаан машин зэрэг өндөр технологийн бүтээгдэхүүний худалдаа эхний 7 сарын хугацаанд сард 5.1 их наяд юаньд хүрч, өнгөрсөн оны мөн үеийнхээс 8.4%-иар нэмэгдэж, энэ хугацаанд гадаад худалдааны нийт өсөлтөд 45.4%-иар нөлөөлсөн байна. Мөн Хятадын хувийн хэвшлийн аж ахуйн нэгжүүдийн гадаад худалдааны хэмжээ энэ оны долоон сарын хугацаанд 14 триллион 680 тэрбум юаньд хүрч, өнгөрсөн оны мөн үеийнхээс 7,4 хувиар нэмэгдэж, улсын нийт гадаад худалдааны үнийн дүнгийн 57,1 хувийг эзэлж, өнгөрсөн оны мөн үеийнхээс 2,1 пунктээр нэмэгдсэн байна.
Энэ оны сүүлийн хагаст Хятад, Америкийн эдийн засаг, худалдааны зөрчилдөөн нь Хятадын экспортын уян хатан байдал болон Хятадын экспортлогчдын дасан зохицох чадварыг үргэлжлүүлэн шалгах болно. Эдгээр сорилт бэрхшээлийг үл харгалзан Хятад улс бүтээгдэхүүнээ оновчтой болгох, бодлогын дэмжлэгийг нэмэгдүүлэх томоохон нөөц бололцоотой хэвээр байна гэж албаны мэдээнд дурьджээ.
